Ðr.HëRÕ
Admin
عدد المساهمات : 1776
تاريخ التسجيل : 10/01/2012
العمر : 27
الموقع : مصر
 |  موضوع: قصيدة عقبال مئة عام - محمد بن فطيس  الإثنين يونيو 03, 2013 11:19 am | |
| قصيدة عقبال مئة عام - محمد بن فطيس
قصيدة عقبال مئة عام - محمد بن فطيس
،؛، عقبال مية عام ،؛،
عقبال ياماخذ فـؤادي ميـة عـام ..
.. ضيعتني منك وانـا مـا اهتديتـك
ﻻ ..ما نسيتك كيف بانساك مـا دام ..*
.. ذكرى الفراق تهزني لـو نسيتـك
حبك قدر وانا على ديـن اﻻسـﻼم ..
.. مكتوب في وجه الجبين ورضيتـك
لك في الضمير الود والحشمه اتوام ..
.. ولي في ضميرك مثل ما انا بغيتـك
ولك منزلٍ في نايف القلـب وخيـام ..
.. وذود الغـﻼ ترعـاه وﻻ شكيـتـك
يفطر عليك القلب وان فارقك صـام ..*
.. والله لونك شـوك سـدره كليتـك
القلب طيرٍ ﻻدعـي للهـوى حـام ..
.. واﻻ انت وكره من كثـر ماهويتـك
كن العيون من النظر عقبـك ايتـام ..*
.. وكني ماريت اﻻ انت من يوم ريتك
وكنك معي وانا فقدتك مـن اعـوام ..
.. مـع الخيـال القـاك كنـي لقيتـك
من صعب وصلك ما تهنيتك احـﻼم ..*
.. وان جابتك فزيت شـوق ومحيتـك
يعني وصالك صعب واهدافي اوهـام ..
.. يعنـي زرعتـك للقـدر ماجنيتـك
صبرك يقولون العرب كـل اﻻيـام ..
.. يوم عليـك ويـوم ﻻجـاك جيتـك
ويا قلب ياللي ورثك اجـروح وآﻻم ..
.. بليتنـي ماهـو بانـا اللـي بليتـك
ولعتني من عادني في الهوى خـام ..
.. واسرفت بي وانا خطامـك عطيتـك
طعتك وزبدة طاعتـك هـم وهيـام ..
.. مالله كتب لي واستخرت وعصيتـك
لوللقلـوب اسـواق بايـع وسـوام ..
.. ﻻابدلـك وان جيتنـي ماشريـتـك
واﻻ انت ياللي جيش عينيك مقـدام ..
.. ﻻ اقنعت منـك والرجـا مارجيتـك
كني سجين بين..افـراج ..واعـدام ..
.. وكنك سجن وانـا بنفسـي بنيتـك
تنبيك عن حالي محاصيـل اﻻلهـام ..
.. وتخبرك نظراتـي نهـار التقيتـك
عقب الوصال اللي على عين من ﻻم ..
.. قدهو يكفيني عن الوصـل صيتـك
وقدني الى مريت بالشـارع العـام ..
.. لديت من ما في الضميـر ودعيتـك
ادري ان صوتي ماقطع عشرة اقدام ..
.. وادري بي اعود الى مـن نصيتـك
ياشينهـا يامحنـيٍ راس اﻻبـهـام ..
.. ماقدر على شوفك وانا عنـد بيتـك
اﻻعمار ما تضمن وانا اخاف اﻻحكام ..
.. ارثيك خـاف اودعـك مـا رثيتـك
| |
|
